Cyfle Cymru Powys

Mae Cyfle Cymru yn darparu’r cymorth y mae ei angen arnoch er mwyn dod o hyd i’r swydd, y cyfle hyfforddiant neu’r cymwysterau cywir.

Mae’r prosiect yn cynnig:

• Arweiniad un-i-un gan fentor cymheiriaid sy’n gallu manteisio ar eu profiad nhw o gamddefnyddio sylweddau, adfer a/neu gyflyrau iechyd meddwl
• Cymorth cyflogaeth arbenigol, gan gynnwys cyfleoedd gwirfoddoli, a help a chyngor ynghylch sut i chwilio am swyddi ac ymgeisio amdanynt
• Cymorth parhaus wrth i chi gychwyn ar gyfleoedd a hyfforddiant neu addysg er mwyn eich helpu i setlo

Rydym yn cydweithio’n agos gyda chyflogwyr mawr er mwyn sicrhau bod gennym y cysylltiadau y bydd eu hangen arnoch er mwyn sicrhau swydd newydd gwerth chweil.

Pwy ydym yn eu cynorthwyo?

Gallwn eich helpu chi i sicrhau gwaith os ydych chi:

• rhwng 16 a 24 oed a heb fod mewn cyflogaeth, addysg na hyfforddiant
• yn 25 oed neu’n hŷn ac wedi bod yn ddi-waith neu’n economaidd anweithgar am gyfnod hir
• yn byw yn ardal Powys
• yn adfer ar ôl camddefnyddio sylweddau a/neu ddioddef problemau iechyd meddwl

Mae Cyfle Cymru yn gweithredu yn ardal Dyfed, Gogledd Cymru a Bae’r Gorllewin hefyd.  Gallwch ddysgu mwy yma.