Rhyw, cyffuriau ac aflonyddwch cymdeithasol
Mae ein stori yn cychwyn yn Kingston upon Thames. Mae’n 1968 ac mae cyffuriau a rhyw yn ffasiynol iawn. Arferai tafarndai gau eu drysau am 11pm, byddai aflonyddwch yn y strydoedd a byddai ysgarmesoedd mawr yn datblygu. Roedd angen lle diogel i bobl ifanc Kingston ymgynnull.
Y lle hwnnw fyddai Kaleidoscope, a sefydlwyd mewn eglwys drefol. Roedd yr enw yn adlewyrchu’r darnau drylliog o ddiwylliant ieuenctid yn dod ynghyd, boed yn fods, rocers, tedi bois, hipis neu Angylion Uffern – roedd croeso i bawb yn Kaleidoscope.
Cenhadaeth i ddiogelu pobl ifanc
Cenhadaeth Kaleidoscope oedd diogelu pobl. Dechreuom drefnu clinig ar gyfer y rhai y byddent yn ymweld â’r clwb. Cynhaliwyd y clinig yn swyddfa’r Gweinidog, lle y rhoddwyd triniaeth a chyngor heb farnu.
Daeth y gwasanaethau yn fwyfwy poblogaidd, a dechreuom gynnig gwasanaethau i’r gymuned ehangach, nad oedd nifer ohonynt yn aelodau o’r clwb, a bu hyn yn ddadleuol. Erbyn 1975, dyluniwyd adeilad newydd ac ym 1977, agorwyd yr eglwys, yr hostel a’r clwb brics coch.
O flaen ei amser
Fel gwasanaeth cyffuriau, roedd Kaleidoscope yn torri tir newydd, wrth iddo fabwysiadu dull Lleihau Niwed yn ei waith. Rhoddwyd Methadon er mwyn i bobl allu sefydlogi eu defnydd o gyffuriau. Gan fod ar flaen y gad bob tro, cyflwynodd Kaleidoscope y rhaglen cyfnewid nodwyddau gyntaf yn y DU ym 1986, a datblygu’r gwasanaeth rhoi methadon cyntaf. Roedd ein ffordd ni o weithio yn gwaredu rhestrau aros, ac roedd pobl yn cael yr help yr oeddent yn ei haeddu yn gyflym.
Gwelwyd dylanwad Kaleidoscope yn ymestyn i wledydd tramor, ac yn ystod y 90au, buom yn cefnogi gwasanaethau cyffuriau a ddaeth i’r amlwg yng Nghanol a Dwyrain Ewrop, yn ogystal ag Asia. Bu ein gwaith yn India a Nepal yn allweddol, wrth sefydlu’r rhaglen cyfnewid nodwyddau gyntaf yn Calcutta, a gwasanaeth rhoi methadon yn Kathmandu.
Gwelwyd y mileniwm yn dwyn newid dramatig arall i Kaleidoscope. Yn 2002, gofynnwyd i ni gychwyn gwasanaeth newydd yng Nghasnewydd, a daeth hwn yn gartref newydd i ni. Bu’r gwasanaeth yn cynorthwyo pobl ar draws Gwent, a chyn pen 3 mis yn unig, roedd 100 o bobl yn cael triniaeth. Mewn blwyddyn, gwelwyd y rhif hwn yn codi i 500.
Oes newydd, heb anghofio’r gorffennol
Ers symud i Gymru, rydym wedi datblygu i fod yn ddarparwr pwysig gwasanaethau camddefnyddio sylweddau, ac rydym yn cynnal prosiectau ar draws y wlad, yn ogystal â’n huned dadwenwyno sy’n cynnwys 20 gwely i gleifion mewnol yn ardal Wirral.
Bellach, mae ein tîm o staff yn cynnwys 240 o bobl, ac rydym yn cynorthwyo dros 10,000 o bobl y flwyddyn.
Ni yw un o’r ychydig Sefydliadau dielw sy’n weddill ac sy’n parhau i fod yn sefydliad teuluol, gan mai ein Prif Swyddog Gweithredol, Martin Blakebrough, yw mab sylfaenydd Kaleidoscope, Eric Blakebrough.